Мілена Маркаўна Куніс (англ.: Milena Markovna Kunis; 14 жніўня 1983, Чарнаўцы) — амерыканская актрыса яўрэйскага паходжання, вядомая першым чынам як гераіня тэлесерыяла «Забойныя 70-я» (роля Джэкі Букхарт) і ў якасці «голасу» Мэг Грыфін з мультыплікацыйнага серыялу «Грыфіны».
Мілена Маркаўна Куніс нарадзілася ў Чарнаўцах, Украіна, у яўрэйскай сям’і. У 1991 годзе Куніс разам з бацькамі эмігравала ў Лос-Анджэлес. У 1998 годзе прайшла кастынг на ролю ў серыяле «Забойныя 70-я» (пры гэтым яна адкрыта схлусіла пра свой узрост: ёй было 14 гадоў ад роду, а мінімальнае патрабаванне па ўзросту было 18). З 2000 г. агучвае Мэг у мультсерыяле «Грыфіны». У 2008 годзе выканала адну з галоўных роляў у папулярнай камедыі «У пралёце».