У Вікіпедыі ёсць артыкулы пра іншых асоб з прозвішчам Корбут. Мікала́й Пятро́віч Ко́рбут (1 лістапада 1948, в. Гутніца Слуцкі раён) — прэзідэнт федэрацыі гімнастыкі РБ, Міністр фінансаў Беларусі (1997—2008).
Служыў у Савецкім войску ў 1970—1972 гадах. У 1977 годзе скончыў Беларускі дзяржаўны інстытут народнай гаспадаркі імя Куйбышава.
Працаваў на розных пасадах у Міністэрстве фінансаў, намеснікам старшыні Кантрольнай палаты Рэспублікі Беларусь у 1992—1996 гадах. Першы намеснік старшыні праўлення Нацыянальнага банка Рэспублікі Беларусь у 1996—1997 гадах.
З 1997 года Міністр фінансаў Беларусі.
У сакавіку 2008 перанёс абшырны інсульт.
14 жніўня 2008 Прэзідэнт Рэспублікі Беларусь вызваліў Корбута ад пасады Міністра фінансаў.
Прэзідэнт Беларускай федэрацыі гімнастыкі з 1998 года.
Жанаты, мае двух сыноў. Захапляецца тэатрам, спортам, паляваннем і рыбалкай.