wd wp Пошук:
    ⬜

    Мікалай Мікалаевіч Чуркін

    У Вікіпедыі ёсць артыкулы пра іншых асоб з прозвішчам Чуркін. Мікалай Мікалаевіч Чуркін (21 мая 1869, Сцепанаван, Арменія — 27 снежня 1964) — беларускі кампазітар і фалькларыст, адзін з заснавальнікаў беларускай прафесійнай музыкі. Народны артыст Беларусі (1949).

    Біяграфія

    Скончыў музычнае вучылішча Рускага музычнага таварыства ў Тыфлісе (1892, клас М. Іпалітава-Іванава), Пецярбургскую АМ (1899). Настаўнічаў, выкладаў музыку і маляванне, кіраваў аматарскімі харавымі калектывамі ў Баку, Коўне (з 1903), Вільні (з 1905). На Беларусі з 1914, педагог настаўніцкай семінарыі і агульнаадукацыйных школ, загадчык музычнай падсекцыі павятовага выканкома, арганізатар мастацкай самадзейнасці ў г. Мсціслаў, з 1924 выкладчык педагагічнага тэхнікума ў Магілёве, з 1935 у Мінску.

    Дзейнасць

    Сабраў больш за 3 тыс. мелодый песень і танцаў розных народаў (беларускіх, грузінскіх, армянскіх, азербайджанскіх, польскіх, літоўскіх, таджыкскіх). 53 беларускія мелодыі ў яго запісе і апрацоўцы змешчаны ў «Беларускім зборніку» Е. Раманава (вып. 7, 1910); склаў зборнікі «Беларускія народныя песні і танцы» (1949) і «Беларускія народныя песні» (1959).

    Адзін з заснавальнікаў беларускай прафесійнай музыкі, пачынальнік нацыянальнага жанравага сімфанізму, музыкі для дзяцей. Яго музыка адметная аптымізмам, строгай класічнай формай, меладычнасцю, апорай на беларускі музычны фальклор. Сярод твораў: оперы «Вызваленне працы» (паст. 1922), «Раскіданае гняздо» паводле Я. Купалы (клавір, 1959—64), радыёопера для дзяцей «Рукавічка» (паст. 1948); музычныя камедыі «Кок-сагыз» (паст. 1939), «Песня Бярэзіны» (паст. 1947); 3 сімфаньеты (1925, «Беларускія карцінкі»; 1949, 1955), 4 сімфанічныя сюіты; 4 сюіты і уверцюра «Памяці Янкі Купалы» (1952) для аркестра беларускіх народных інструментаў; 11 струнных квартэтаў, хары, рамансы; музыка для драматычных спектакляў; апрацоўкі народных песень і танцаў, песні для дзяцей на словы беларускіх паэтаў.

    Творы

    Оперы

    Уверцюры

    Ушанаванне памяці

    Мемарыяльная дошка

    На доме па вуліцы Кісялёва, 3 у Мінску, дзе Мікалай Чуркін пражываў у 1957—1964 гадах, устаноўлена мемарыяльная дошка.

    Зноскі

    1. ↑ Чуркин Николай Николаевич // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 25 лютага 2017.

    Літаратура

    Тэмы гэтай старонкі (17):
    Кампазітары Беларусі
    Памерлі ў 1964 годзе
    Артыкулы пра музыкантаў без партрэтаў
    Нарадзіліся 21 мая
    Пахаваныя на Усходніх могілках Мінска
    Народныя артысты Беларускай ССР
    Нарадзіліся ў 1869 годзе
    Фалькларысты Беларусі
    Вікіпедыя:Артыкулы з крыніцамі з Вікідадзеных
    Памерлі 27 снежня
    Выпускнікі Імператарскай Акадэміі мастацтваў
    Памерлі ў Мінску
    Асобы
    Музыканты паводле алфавіта
    Нарадзіліся ў Сцепанаване
    Кавалеры ордэна «Знак Пашаны»
    Кавалеры ордэна Працоўнага Чырвонага Сцяга