У Вікіпедыі ёсць артыкулы пра іншых асоб з прозвішчам Ягоўдзік. Мікалай Захаравіч Ягоўдзік (15 жніўня 1931, в. Куцэйкі, Слонімскі павет, Навагрудскае ваяводства, Польская Рэспубліка — чэрвень 2022) — беларускі вучоны ў галіне дэрматавенералогіі і клінічнай біяхіміі. Доктар медыцынскіх навук (1984), прафесар. Заслужаны дзеяч навукі Рэспублікі Беларусь (1997)[2].
Нарадзіўся 15 жніўня 1931 года ў вёсцы Куцэйкі (цяпер — Слонімскі раён Гродзенскай вобласці).
У 1953 годзе скончыў Мінскі дзяржаўны медыцынскі інстытут, прайшоў падрыхтоўку ў клінічнай ардынатуры на кафедры скурных і венерычных хвароб МДМІ (1953—1956), навучанне ў аспірантуры сектара геранталогіі АН БССР (1956—1959)[3]. Працаваў на кафедры скурных і венерычных хвароб Беларускага дзяржаўнага медыцынскага ўніверсітэта[2].
Сфера навуковых інтарэсаў: біяхімія і імуналогія скуры; хранічныя дэрматозы[2].