Мікалай Захаравіч Ашэйчык (нар. 15 верасня 1940, в. Вугалец, Пухавіцкі раён, Мінская вобласць) — беларускі будаўнік, заслужаны будаўнік Беларусі, заслужаны работнік юстыцыі Беларусі, выдатнік аховы здароўя Беларусі.
У 1961 годзе скончыў Мінскі архітэктурна-будаўнічы тэхнікум. У 1972 годзе скончыў завочна Маскоўскі горны інстытут па спецыяльнасці «Будаванне падземных збудаванняў і шахт».
Быў генеральным дырэктарам адкрытага акцыянернага таварыства «Будтрэст № 3 ордэна Кастрычніцкай Рэвалюцыі», г. Салігорск[1] з 1978 па 2015 год.
У 1971 і 1979 гадах узнагароджаны ордэнам Працоўнага Чырвонага Сцяга. Лаўрэат прэміі Савета Міністраў СССР (1982), кавалер ордэна Пашаны (1998), ордэна Айчыны ІІ (23 мая 2011) і ІІІ ступеняў, уладальнік знака Міністэрства культуры Рэспублікі Беларусь «За ўклад у развіццё культуры Беларусі», граматамі Вярхоўнага Савета, Савета Міністраў Рэспублікі Беларусь. Ганаровы грамадзянін Салігорска і Мінскай вобласці.