У Вікіпедыі ёсць артыкулы пра іншых асоб з прозвішчам Ісаёнак. Мікалай Іосіфавіч Ісаёнак (нар. 21 сакавіка 1947, в. Чарневічы, Барысаўскі раён, Мінская вобласць, БССР) — беларускі жывапісец. Скончыў у 1973 годзе Мінскае мастацкае вучылішча.
Працуе ў бытавым, пейзажным, партрэтным жанрах, нацюрморце. Сярод твораў: «Хлябы» (1976), «Памяці бацькі» і «У азёрным краі» (1978), «Песня аб маёй зямлі» (1979), «Адна», «Гусоўскаму прысвячаецца», «Нацюрморт з рэшатам», «Зімовы нацюрморт» (усе 1980), «Лён Беларусі», «На роднай зямлі. Памяць», «Салдаткі. Адраджэнне» (усе 1981), «Беларускі краявід» і «Касьба» (1982), «Браслаўскія прасторы» і «Восеньскія дажджы» (1984), серыя «Алеі», «Дарога да храма», «Сад мастака», «Гладышы», «Яблынька майго дзяцінства» (усе 1990-я гг.), «Калядны марозік» (1996).