Мікалай Іванавіч Батвінкоў (15 сакавіка 1936, в. Барысавічы, Клімавіцкі раён, Магілёўская вобласць — 23 жніўня 2021) — беларускі ўрач-хірург. Доктар медыцынскіх навук (1977), прафесар (1979). Член-карэспандэнт Беларускай акадэміі медыцынскіх навук.
Скончыў Мінскі дзяржаўны медыцынскі інстытут (1960; аспірантура, 1965).
Працаваў у Селіванаўскай участковай бальніцы (Гродзенскі раён; 1960, галоўны ўрач), галоўным ўрачом Гродзенскага раёна (1961), Карэліцкай цэнтральнай раённай бальніцы (1962—1968, намеснік галоўнага ўрача, загадчык хірургічнага аддзялення), Гродзенскім дзяржаўным медыцынскім універсітэце (з 1968, лячэбны факультэт, 1-я кафедра хірургічных хвароб, прафесар, у 2011—2015 — загадчык кафедры).
Навуковыя інтарэсы: хірургія органаў грудной клеткі і брушной поласці (арганазахоўваючыя аперацыі пры язвавай хваробе страўніка і дванаццаціперснай кішкі, рэканструкцыйная хірургія жоўцевых пратокаў); лапараскапія; метабалічныя парушэнні пры халецыстыце, механічнай жаўтусе; флебалогія (хірургія глыбокіх вен ніжніх канечнасцей).
Званне «Заслужаны ўрач Рэспублікі Беларусь» (1997).