Мікала́еўшчынскі сельсавет — адміністрацыйна-тэрытарыяльная адзінка ў складзе Стаўбцоўскага раёна Мінскай вобласці. Цэнтр — вёска Мікалаеўшчына.
Утвораны 12 кастрычніка 1940 года ў складзе Стаўбцоўскага раёна Баранавіцкай вобласці БССР. Цэнтр — вёска Мікалаеўшчына. З 8 студзеня 1954 года ў складзе Мінскай вобласці. 23 снежня 2008 года цэнтр сельсавета перанесены ў аграгарадок Любкаўшчына[1]. Пазней цэнтр сельсавета вернуты ў вёску Мікалаеўшчына.
Насельніцтва сельсавета паводле перапісу 2009 года — 1982 чалавекі[2], з іх 88,3 % — беларусы, 5,5 % — палякі, 4,7 % — рускія[3].
Мікалаеўшчынская зямля — радзіма Якуба Коласа.