Мэры Луіза «Мэрыл» Стрып (англ.: Mary Louise “Meryl” Streep, нар. 12 чэрвеня 1949) — амерыканская актрыса, уладальніца трох «Оскараў». Акрамя гэтага, у яе кар’еры 16 намінацый на «Оскар» — больш, чым у любога іншага акцёра або актрысы ў гісторыі.
Поспех ёй прынёс фільм «Паляўнічы на аленяў», за які яе ўпершыню намінавалі на «Оскар». Цераз год Стрып атрымала гэтую прэмію за фільм «Крамер супраць Крамера». Усяго за больш чым 30-гадовую акцёрскую кар’еру Стрып атрымала тры прэміі «Оскар», сем «Залатых глобусаў», дзве прэміі Гільдыі кінаакцёраў. Намінавалася на «Грэмі». 22 лютага 2003 года ўзнагароджана Камандорскай ступенню Ордэна мастацтваў і літаратуры.