Мухаморавыя (Amanitaceae) — сямейства шапкавых базідыяльных грыбоў парадку Агарыкальныя (Agaricales).
Пладовыя целы ў большасці з агульным ці частковым покрывам. Гіменафор пласціністы, пласцінкі свабодныя. Споры белыя або ружовыя.
На тэрыторыі Беларусі 4 роды, 27 відаў. Найбольш пашыраны мухаморы (Amanita), таўкачыкі[1], аленевы грыб (Pluteus cervinus), вальварыела (Volvariella)[2].
Сярод мухаморавых ёсць ядавітыя, ядомыя і лекавыя грыбы.