wd wp Пошук:
    ⬜

    Музей лужыцкіх сербаў

    Саляны дом, 1953 год

    Музей лужыцкіх сербаў (ням.: Sorbisches Museum, в.-луж.: Serbski muzej) — краязнаўчы музей, які знаходзіцца ў Саляным доме ў раёне Артэнбург саксонскага горада Баўтцэн, Германія. Важнейшая музейная ўстанова па гісторыі лужыцкага народа.

    Будынак музея з’яўляецца помнікам гісторыі і культуры зямлі Саксонія (№ 09251011).

    Гісторыя

    У хуткім часе пасля заснавання лужыцкага культурна-асветніцкага таварыства«Матіца сербская» было вырашана збіраць матэрыялы якія тычацца гісторыі і культуры лужыцкага народа. У 1856 годзе гісторыка-археалагічны аддзел «Матіцы сербскай» адкрыў у Дрэздэне выставу лужыцкага прыкладнога мастацтва «Wendischen Dorf», якая стала асновай будучага музея. У 1904 годзе ў Баўтцэне быў адкрыты Лужыцкі дом, на трэцім паверсе якога была размешчана экспазіцыя пад назвай «Wendische (Sorbische) Museum». У 1937 годзе Лужыцкі музей быў закрыты нацыстскімі ўладамі, і Музей лужыцкіх сербаў перастаў функцыянаваць. У 1942 годзе збор музея быў перададзены ў Гарадскі музей Баўтцэна. У 1957 годзе ў горадзе Хойерсвердзе быў адкрыты Музей лужыцкай гісторыі і этнаграфіі (Museum für sorbische Geschichte und Volkskunde). З павелічэннем колькасці музейных экспанатаў Музей лужыцкай культуры быў перанесены ў Баўтцэн у новы Сербскі дом. У 1976 годзе калекцыя музея была размешчана ў Саляным доме ў гарадскім раёне Артэнбург. Да 1988 года Музей лужыцкіх сербаў належаў Асацыяцыі музеяў Баўтцэна. Пасля рэканструкцыі музейнай зборні музей быў адкрыты ў чэрвені 1989 года як самастойная музейная ўстанова.

    У наш час Музей лужыцкіх сербаў прадстаўляе сабой збор па гісторыі лужыцкага народа і яго культуры. Збор музея складае каля 23 000 экспанатаў. Музей экспануе 4 выставы: гісторыя лужычанаў са старажытных часоў да нашых дзён, культура і лад жыцця лужычанаў, лужыцкія мовы, зараджэнне лужыцкай літаратуры і лужыцкае выяўленчае мастацтва.

    У банкетным зале музея рэгулярна адбываюцца розныя культурныя і асветніцкія мерапрыемствы.

    Гісторыя будынка

    Саляны дом Баўтцэна быў пабудаваны ў 1782 годзе як гарадскі саляны склад. У 1835 годе ў будынку размяшчаўся каралеўскі Саксонскі апеляцыйны суд. У 1869 годзе памяшканне было перабудавана і з тых часоў мае сучасны выгляд. У часы Другой сусветнай вайны ў будынку знаходзілась мясцовае аддзяленне Нацыянал-сацыялістычнай нямецкай рабочай партыі і гарадское аддзяленне гестапа. У часы ГДР будынак выкарыстоўваўся пад жыллё. У 2003 годзе будынак быў адрамантаваны.

    Гл. таксама

    Літаратура

    Спасылкі

    Тэмы гэтай старонкі (6):
    Катэгорыя·Музеі Германіі
    Катэгорыя·Баўтцэн
    Катэгорыя·Лужыцкая культура
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Культура Саксоніі
    Катэгорыя·Музеі паводле алфавіта