Могилевский вестник
«Могилевский вестник» — штодзённая грамадска-палітычная і літаратурная газета праваакцябрысцкага кірунку. Выдавалася з 19 мая (1 чэрвеня) 1906 да 15(28) красавіка 1917 гг. у Магілёве на рускай мове спачатку губернскім праўленнем, з 1913 г. прыватнымі выдаўцамі. Рэдактары: М. І. Пілін, М. М. Сталеўскі, Г. П. Пажараў, А. Е. Адамец і інш.
Падтрымлівала палітыку самадзяржаўя, асуджала рэвалюцыйны, нацыянальна-вызваленчы і ліберальна-апазіцыйны рух. Друкавала «словы» і «казанні» мясцовага епіскапа, у якіх прапагандаваліся ідэі рускага праваслаўя і самадзяржаўя, асуджаліся атэізм, матэрыялізм, філасофія Л. Талстога. У артыкулах «Брашуры на беларускай мове» (18 жніўня 1906 г.), «Мінск» (27 жніўня 1906 г.) і інш. адмаўляла нацыянальную і этнакультурную самастойнасць беларускага народа, абвінавачвала газеты «Наша доля» і «Наша ніва» ў сепаратызме. Пасля Лютаўскай рэвалюцыі 1917 г. падтрымлівала Часовы ўрад.
Змяшчала вершы, апавяданні, нарысы мясцовых аштараў, гістарычны раман Юрыя Барташэвіча «Імператар сфінкс», навукова-папулярныя і этнаграфічныя артыкулы. Прапагандавала рускую літаратурна-мастацкую спадчыну, але замоўчвала сацыяльна-крытычную накіраванасць твораў. Тэндэцыйна абвінавачвала М. Горкага, С. Сяргеева-Цэнскага, Н. Найдзёнава ў натуралізме і дэкадэнцтве. Адмоўна ставілася да футурызму і інш. авангардысцкіх кірункаў, але прызнавала наватарства У. Меерхольда. Інфармавала пра музычныя і тэатральныя навіны ў Магілёве, адзначала заслугі Е. Раманава і М. Доўнар-Запольскага ў даследаванні фальклору.
Літаратура
- Конан, У. «Могилевский вестник» // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 1999. — 592 с.: іл. — 10 000 экз. — ISBN 985-11-0141-9.
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх
Катэгорыя·Вікіпедыя·Спасылкі на Энцыклапедыю гісторыі Беларусі без нумароў старонак
Катэгорыя·1906 год у Магілёве
Катэгорыя·Вікіпедыя·Газеты без геаграфічных каардынат
Катэгорыя·Друкаваныя выданні, закрытыя ў 1917 годзе
Катэгорыя·Газеты Магілёва на рускай мове
Катэгорыя·Друкаваныя выданні, якія ўзніклі ў 1906 годзе
Катэгорыя·Газеты паводле алфавіта