Мелі́ха[2] (мальт.: Mellieħa) — горад на паўночным захадзе Мальты, адзін з самых папулярных турыстычных цэнтраў. Насельніцтва — каля 10 тысяч жыхароў.
Першыя паселішчы на месцы горада ўзніклі ўжо ў эпоху неаліту. Горад існаваў у эпоху панавання Візантыі, быў разрабаваны арабамі ў 870 г. і закінуты. Пасля пераходу вострава пад валадарства рыцарскага ордэна (1530) было адноўлена свяцілішча Дзевы Марыі, куды прыходзілі пакланіцца фрэсцы Мадонны, па паданні, напісанай апосталам Лукой. Насамрэч фрэска створана ў канцы XIII стагоддзя ў візантыйскай традыцыі.