Мастацкая галерэя Манчэстэра (англ.: Manchester Art Gallery) — адкрытая для наведванняў мастацкая галерэя ў цэнтры горада Манчэстэра, у Паўночна-Заходняй Англіі. У 2002 годзе была пашыраная і зараз займае тры будынкі.
Акрамя карцін сусветнага значэння (напрыклад, Сезана, Расеці або Міле), тут знаходзяцца таксама творы, звязаныя з горадам Манчэстэрам. Значнае месца займае калекцыя работ П’ера Валета, французскага мастака-імпрэсіяніста, які выкладаў у Манчэстэры ў пачатку XX стагоддзя.