У Вікіпедыі ёсць артыкулы пра іншых асоб з прозвішчам Маскова. Марыя Сямёнаўна Маскова (1892—1958) — беларуская ўрач-педыятр, арганізатар аховы здароўя. Кандыдат медыцынскіх навук (1941). Заслужаны ўрач Беларускай ССР (1948)[1].
Скончыла медыцынскі факультэт 2-га Маскоўскага ўніверсітэта (1920). Працавала ў ваенных шпіталях Смаленска і Віцебска (1920—1921), урачом на фабрыках «Дзвіна» і «Сцяг індустрыялізацыі» (Віцебск, 1922—1934), адначасова ўрачом дзіцячай кансультацыі і сакратаром Віцебскага аддзялення Беларускага інстытута аховы мацярынства і маленства (1932—1934), ардынатарам дзіцячай клінікі, асістэнтам кафедры дзіцячых хвароб Віцебскага медыцынскага інстытута (1935—1941), асістэнтам дзіцячай клінікі Башкірскага медыцынскага інстытута і Уфімскага філіяла Першага Маскоўскага медыцынскага інстытута (1941—1944) 1944—1958), адначасова асістэнтам кафедры педыятрыі Віцебскага медыцынскага інстытута (да 1951). З 1958 — у Маскве[1].