wd wp Пошук: ⬜

Марыя Гаэтана Аньезі

Марыя Гаэтана Аньезі (італ.: Maria Gaetana Agnesi; 16 мая 1718, Мілан — 9 студзеня 1799) — італьянскі матэматык і філантроп.

Яна паходзіла з заможнай купецкай сям’і, у якой было 21 дзіця. Марыя Гаэтана была старэйшай з дзяцей. Яе бацька быў прафесарам матэматыкі, ён з дзяцінства падтрымліваў матэматычныя здольнасці дачкі і паклапаціўся аб добрай адукацыі Марыі Гаэтана. Ва ўзросце 21 года яна захацела пайсці ў манастыр, але яе бацька быў супраць. Яна падпарадкавалася яго волі і занялася матэматыкай.

У 1748 годзе яна апублікавала сваю працу Instituzioni analitiche («Асновы аналізу»). Крывая верзіера (іншая назва «завітак Аньезі») названая ў гонар Марыі Гаэтана, якая даследавала гэтую крывую. Яна мела таксама дасягненні ў дыферэнцыяльным вылічэнні.

У 1748 годзе Папа Рымскі Бенедыкт XIV прысвоіў ёй званне прафесара Універсітэта Балонні. Аднак ніколі не выкладала ва ўніверсітэце.

Калі Марыі Гаэтане было 34 гады, памёр яе бацька. З гэтага часу яна занялася філантрапічнай дзейнасцю і пачала вывучаць тэалогію. Дапамагала бедным і хворым і давала прытулак бяздомным у сваім доме.

З 1771 г. на працягу 28 гадоў Марыя Гаэтана кіравала прытулкам для старых жанчын.

Адна з сясцёр Марыі Гаэтана — Марыя Тэрэза была вядомым музыкантам і кампазітарам. Яна была знаёмая з Моцартам, Гайднам і Сальеры.

Зноскі

1 2 Maria Gaetana Agnesi // FemBio: Банк інформації про видатних жінок, Frauendatenbank, Банк данных о выдающихся женщинах Праверана 9 кастрычніка 2017.
↑ Maria Gaetana Agnesi // Scienza a due voci — 1999.
1 2 Gliozzi M., Orlandelli G. AGNESI, Maria Gaetana // Dizionario Biografico degli Italiani — 1960. — Vol. 1. Праверана 29 мая 2021.
↑ Maria Gaetana Agnesi // SNAC — 2010. Праверана 9 кастрычніка 2017.

Літаратура

А. А. Гусак, Г. М. Гусак, А. А. Брычыкава Даведнік па вышэйшай матэматыцы. — Мн.: ТетраСистемс, 2007. — С. 541.

Спасылкі

На Вікісховішчы ёсць медыяфайлы па тэме Марыя Гаэтана Аньезі
Maria Gaetana Agnesi