Мархлеўскі нацыянальны польскі сельсавет — былая адміністрацыйна-тэрытарыяльная адзінка ў складзе Круглянскага раёна БССР. Цэнтр — вёска Філатава.
Утвораны 24 верасня 1926 года ў складзе Талачынскага раёна Аршанскай акругі БССР. Пасля скасавання акруговай сістэмы 26 ліпеня 1930 года ў Талачынскім раёне БССР. З 12 лютага 1935 года ў складзе Круглянскага раёна БССР. 3 верасня 1937 года скасаваны, тэрыторыя далучана да Кручанскага і Скуратоўскага сельсаветаў.