У Вікіпедыі ёсць артыкулы пра іншых асоб з прозвішчам Дэ Вос.
Мартэн (Марцін) дэ Вос (нідэрл. Marten de Vos або Maarten de Vos, часам Maerten de Vos; 1532 — 4 снежня 1603) — адзін з вядучых мастакоў паўднёванідэрландскага (фламандскага) жывапісу і графікі канца XVI стагоддзя.
Марцін дэ Вос нарадзіўся ў Антверпене каля 1531 года. У 1558 годзе быў прыняты майстрам у антверпенскую гільдыю. Дэ Вос, таксама як і ў свой час яго бацька і настаўнік Франс Флорыс, здзейсніў паездку ў Італію для зразумення прыёмаў маньерызму — стылю папулярнага ў той час. У 1552 годзе (?) знаёміцца з вядомым галандскім жывапісцам Пітэрам Брэйгелем Старэйшым; у гэтым жа годзе яны разам наведваюць Фларэнцыю, Венецыю і Рым, дзе Марцін піша карціну «Бязгрэшнае зачацце» для царквы S. Francesco a Ripa. У яго работах праглядаецца дакладная лінія венецыянскай школы жывапісу.