У Вікіпедыі ёсць артыкулы пра іншых асоб з прозвішчам Канэ.
Марк Майсеевіч Канэ (нар. 21 лістапада 1939, Масква, Расія) — беларускі спецыяліст у галіне машынабудавання. Доктар тэхнічных навук (1997), прафесар (1998). Член Пастаяннай камісіі IFToMM (Міжнароднай федэрацыі па тэорыі механізмаў і машын), старшыня конкурснай камісіі Рэспубліканскага конкурсу студэнцкіх НДР па секцыі «Машынабудаванне і прыборабудаванне. Механіка машын, надзейнасць і бяспека тэхнічных сістэм. Навуковыя асновы і метады неразбуральнага кантролю і тэхнічнай дыягностыкі».
Скончыў Беларускі політэхнічны інстытут (спецыяльнасць «Тэхналогія машынабудавання, металарэзныя станкі і інструменты», 1962).
Працаваў у Мінскім маторным заводзе (1962—1964, інжынер-тэхнолаг), Беларускім нацыянальным тэхнічным універсітэце (з 1964, машынабудаўнічы факультэт, кафедра «Тэарэтычная механіка», прафесар).
Навуковыя інтарэсы: удасканаленне працэсаў вырабу і эксплуатацыі высоканагружаных зубчастых перадач транспартных і рабочых машын.