У Вікіпедыі ёсць артыкулы пра іншых асоб з прозвішчам Карпюк. Маргаліт Фінкельберг (імя пры нараджэнні — Маргарыта Георгіеўна Карпюк, нар. 1947, Мінск, БССР, СССР) — савецкі, затым ізраільскі гісторык і лінгвіст. Прафесар Тэль-Авіўскага ўніверсітэта, акадэмік Ізраільскай акадэміі навук. Спецыяліст па гісторыі, пісьменнасці і літаратуры Старажытнай Грэцыі, пазней пашырыла круг сваіх даследаванняў, уключыўшы туды археалогію Міжземнамор’я эпохі позняга бронзавага і ранняга жалезнага веку, а таксама дагрэчаскі субстрат.
Скончыла МДУ (класічнае аддзяленне) у 1969 г., пазней там жа ў аспірантуры да 1972 г. У 1975 г. эмігравала з мужам у Ізраіль.
Яшчэ ў савецкі перыяд занялася вывучэннем старажытнагрэчаскай літаратуры, у тым ліку Гамера, у кантэксце гістарычных рэалій таго часу. Абараніла доктарскую дысертацыю ў Ізраілі. На рускай мове апублікаваны яе пераклад «Іўдзейскай вайны» Іосіфа Флавія.