У Вікіпедыі ёсць артыкулы пра іншых асоб з прозвішчам Вертхеймер. Макс Вертхеймер (15 красавіка 1880, Прага — 12 кастрычніка 1943, Нью-Ёрк) — псіхолаг, адзін з заснавальнікаў і галоўны тэарэтык гештальтпсіхалогіі. Прафесар універсітэта ў Франкфурце-на-Майне (з 1929), а пасля эміграцыі — у Нью-Ёрку (з 1933) у школе сацыяльных даследаванняў. У 1921 сумесна з нямецкімі псіхолагамі К. Кофкам і В. Кёлерам заснаваў часопіс «Psychologische Forschungen», дзе публікаваліся працы гештальтпсіхолагаў. У сваёй першай эксперыментальнай працы, прысвечанай вывучэнню ўспрымання руху (1912), Вертхеймер усталяваў, што назіраныя даследчыкам асаблівасці будовы ўспрымання не могуць быць растлумачаны характарам асобных элементаў успрынятай сітуацыі, а патрабуюць уліку сувязі гэтых элементаў, цэласнасці сітуацыі.