Майсей Эмануілавіч Кашук (20 снежня 1899, г. Кішынёў, Малдова — 22 верасня 1961) — урач-афтальмолаг. Доктар медыцынскіх навук (1949), старшы навуковы супрацоўнік (1939), прафесар (1955). Удзельнік Вялікай Айчыннай вайны.
Скончыў Адэскі медыцынскі інстытут (1925).
Працаваў у г. Ізюм (Украіна, з 1925, урач-афтальмолаг), Адэскім інстытуце ўдасканалення ўрачоў (1930—1935), Адэскім медыцынскім інстытуце (1935—1937), Украінскім эксперыментальным інстытуце вочных хвароб (1937—1941 і 1945—1952), Ульянаўскай абласной бальніцы (1952—1954), Віцебскім дзяржаўным медыцынскім інстытуце (1954—1961, загадчык кафедры вочных хвароб).
Навуковыя інтарэсы: фізіялогія і паталогія органаў зроку; дыягностыка і лячэнне вочных хвароб; афтальмахірургія; скразная перасадка рагавіцы; адслойка сятчаткі; глаўкома; катаракта.
Ордэн «Знак Пашаны» і інш.