Майк Нікалс (першапачатковае імя — Міхаэль Ігар Пяшкоўскі (ням.: Michael Igor Peschkowsky); 6 лістапада 1931, Берлін — 19 лістапада 2014, Нью-Ёрк) — амерыканскі рэжысёр тэатра і кіно, пісьменнік і прадзюсар. Адзін з нямногіх уладальнікаў усіх галоўных узнагарод амерыканскай індустрыі забавак: «Оскар», «Залаты глобус», «Грэмі», «Эмі» і «Тоні». Свае найбольш паспяховыя праекты — камерную вострасацыяльную драму «Хто баіцца Вірджыніі Вулф?» (1966) і рамантычную камедыю «Выпускнік» (1967), які прынёс яму «Оскар» за рэжысуру, — Нікалс паставіў у самым пачатку кар’еры.