Магдэбургскі сабор (ням.: Magdeburger Dom, поўнае найменне Dom zu Magdeburg St. Mauritius und Katharina) — прысвечаны свв. Маўрыкію і Кацярыне Александрыйскай кафедральны сабор Евангелічнай царквы Сярэдняй Германіі ў нямецкім горадзе Магдэбург у федэральнай зямлі Саксонія-Ангальт.
Сабор з’яўляецца месцам пахавання першага імператара Свяшчэннай Рымскай імперыі Атона I, адзін з найстарэйшых гатычных храмаў на тэрыторыі сучаснай Германіі.