Магадыша[1], таксама Мукдыша (самал.: Muqdisho) — сталіца Самалі і самы вялікі горад краіны, знаходзіцца на ўзбярэжжы Індыйскага акіяна. Колькасць насельніцтва складае 1 219 тыс. чалавек.
Горад быў заснаваны ў IX ст. арабамі пад назвай Магдашу. У Сярэднявечча горад стаў буйным гандлёвым цэнтрам, на скрыжаванні гандлёвых шляхоў паміж Партугаліяй і імаматам Маскату. У 1871 годзе горад быў заваяваны занзібарскімі войскамі, але ў 1892 годзе Магадыша перайшоў пад кантроль Італіі. З 1960 года Магадыша — сталіца незалежнага Самалі. З 1991 года ў выніку грамадзянскай вайны горад некалькі разоў быў разбураны, у 1993 годзе амерыканскія вайскоўцы удзельнічалі тут у «бітве за Магадыша», дзе страцілі 19 салдатаў і 2 верталёты, а ААН была вымушана пакінуць Самалі.
У чэрвені 2006 года горад быў узяты пад кантроль ісламскімі фундаменталістамі, але потым яны вылі выбіты ўрадавымі войскамі.