У гэтага паняцця ёсць і іншыя значэнні, гл. Маар (значэнні).
Маар (ням.: Maar[1]) — лейкападобнае або цыліндрычнае паглыбленне вулканічнага паходжання, утвараецца на зямной паверхні пры аднаразовым газавым выбуху, які не суправаджаецца выліваннем лавы. Дыяметр да 3200 м, глыбіня 300—400 м. Часта акружаны кальцавым валам з абломкаў горных парод, раздробненых газамі. У вільготным клімаце часта запаўняюцца вадой, утвараючы возера, напрыклад Лахерскае возера ў масіве Эйфель (Германія), возера Павен і Гадзіваль ў Аверні (Францыя).