Закрытае акцыянернае таварыства «Мінскі транзітны банк» (ЗАТ «МТБанк») — камерцыйны банк у Рэспубліцы Беларусь. Упаўнаважаны банк Дзяржаўнага мытнага камітэта. Заснаваны ў 1994, першы банк з удзелам замежнага капіталу.
Найбольш буйнымі акцыянерамі зʼяўляюцца «MTB Investments Holdings Limited» (супольнае прадпрыемства «Атлант-М» і «Horizon Capital», ЗША) — 98,97% акцый, УП «Мінскінтэркапс» — 0,56% і Мінскі гарадскі тэрытарыяльны фонд дзяржаўнай маёмасці — 0,438%[4].
БІК 153001117, УНП 100394906, АКПА 14619370.
S.W.I.F.T.: MTBK BY22. Тэлекс: 252157 MTB BY.
14 сакавіка 1994 года зарэгістраваны пастановай Нацыянальнага банка Беларусі №38 як ЗАТ «Супольны камерцыйны беларуска-латвійска-швейцарскі банк „Мінскі транзітны банк“»[5]. Першы банк у Беларусі з удзелам замежнага капіталу[6].
У 2001 асноўным акцыянерам стаў холдынг «Атлант-М». У 2007 да ліку акцыянераў далучылася амерыканская кампанія «Horizon Capital».
У 2021 г. ЗАТ «МТБанк» набыў 99,999% акцый і далучыў да сябе ЗАТ «Ідэя Банк»[7].