Людміла Пятроўна Сенчына (руск.: Людми́ла Петро́вна Се́нчина; народжаная Сенчын, па першым мужы Цімошына; 13 снежня 1950, сяло Кудраўцы (цяпер Кудраўскае), Брацкі раён, Мікалаеўская вобласць, Украінская ССР — 25 студзеня 2018, Санкт-Пецярбург, Расія) — савецкая і расійская спявачка, актрыса тэатра і кіно; народная артыстка РФ (2002), заслужаная артыстка Украіны (2003).
Адна з самых вядомых эстрадных спявачак Савецкага Саюза канца 1970-х — пачатку 1980-х гадоў, выканаўца папулярных песень: «Золушка», «Лесной олень», «По камушкам», «Любовь и разлука», «Полевые цветы», «Аист на крыше», «День рождения», «Шербурские зонтики», «Белый танец», «Шутка» і іншых.