wd wp Пошук: ⬜

Людміла Георгіеўна Лапцэвіч

У Вікіпедыі ёсць артыкулы пра іншых асоб з прозвішчам Лапцэвіч. Людміла Георгіеўна Лапцэвіч (дзявочае Ляўхненка; нар. 7 студзеня 1938, с. Якаўлеўка, Казахстан) — беларускі мастацтвазнавец. Кандыдат мастацтвазнаўства (1974).

Біяграфія

Скончыла БДУ ў 1960 годзе. У 1960—1965 гадах працавала ў Мастацкім музеі Беларусі, з 1968 у Інстытуце мастацтвазнаўства этнаграфіі і фальклору Нацыянальнай АН Беларусі. Адначасова да 1982 года выкладала ў Беларускім тэатральна-мастацкім інстытуце, у 1964—1965 гадах у Мінскім харэаграфічным вучылішчы.

Член Беларускага саюза мастакоў з 1975 года.

Навуковая дзейнасць

Даследуе манументальнае і манументальна-дэкаратыўнае мастацтва Беларусі. Адна з аўтараў «Збору помнікаў гісторыі і культуры Беларусі» (т. 1—7, 1984—1988), «Гісторыі беларускага мастацтва» (т. 3, 5—6, 1989, 1992—1994).

Творы

Манументальна-дэкаратыўнае мастацтва ў інтэр’ерах грамадскіх будынкаў Беларусі // Весці АН БССР. Сэр. грамад. навук. 1969. № 4;
Роль искусства в формировании и развитии советского образа жнзни. Мн., 1979 (у сааўтарстве).

Літаратура

Фатыхава Г. А. Лапцэвіч Людміла Георгіеўна // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.