Лу́каўскае — вадасховішча, размешчанае ў Маларыцкім раёне Брэсцкай вобласці Рэспублікі Беларусь за 16 км на паўночны ўсход ад горада Маларыта. Знаходзіцца на месцы былога Лукаўскага возера.
Збудавана ў 1980 годзе ў мэтах арашэння сельгасугоддзяў і рыбаводства, абгароджана дамбай даўжынёй 9,5 км. Каля паловы плошчы дна выслана сапрапелем.
Ваганні ўзроўню вады на працягу года складаюць 3,1 м.
Уваходзіць у склад заказніка Лукава.