У Вікіпедыі ёсць артыкулы пра іншых асоб з прозвішчам Мамоніч. Лукаш Мамоніч (?—19 кастрычніка 1606) — дзяржаўны дзеяч Вялікага Княства Літоўскага.
Прадстаўнік беларускага купецкага роду Мамонічаў, сын Івана. Меў братоў Багдана і Кузьму[1], якія займаліся выдавецкай дзейнасцю. У 1582 годзе Лука Мамоніч атрымаў прывілей на войтаўства[2].
Стараста дзісенскі, з 20 снежня 1585 года скарбны гаспадарскі. Меў некалькі маёнткаў. Фінансаваў друкарню і дастаўляў для яе паперу з уласнай паперні ў маёнтку Павільня. Належаў да праваслаўнага брацтва Св. Тройцы, пасля прыхільнік уніі[3].