Лукас Бэрфус (ням.: Lukas Bärfuss, нар. 30 снежня 1971, Тун) — швейцарскі пісьменнік і драматург, адзін з самых значных нямецкамоўных аўтараў.
Пасля заканчэння школы змяніў шмат прафесій, працаваў кнігагандляром. З 1997 года свабодны драматург і празаік, а таксама тэатральны дзеяч у Цюрыху. Разам з Самюэлем Шварцам заснаваў тут тэатральную групу «400 asa».
Вялікі поспех прынёс яму дэбютны раман «Сто дзён». За раман «Каала» пісьменнік быў узнагароджаны ў 2014 годзе Швэйцарскай кніжнай прэміяй. 23-24 кастрычніка 2015 года наведаў Беларусь.