Лубні́шча[1] (трансліт.: Lubnišča, руск.: Лубнище) — вёска ў Магілёўскім раёне Магілёўскай вобласці. Уваходзіць у склад Княжыцкага сельсавета.
Згадваецца ў 1675 годзе як вёска ў складзе Княжыцкай воласці ў Аршанскім павеце Вялікага Княства Літоўскага[2]. У 1681 годзе на падставе фундушу разам з вёскамі Бабровічы і Нікіцінічы выдзелена са складу Княжыцкага графства і перададзена надворным харунжым літоўскім Канстанцінам-Уладзіславам Пацам заснаванаму ім Княжыцкаму дамініканскаму кляштару[3]. Згадваецца ў 1752 годзе ў складзе Княжыцкага графства пры размежаванні з суседнім маёнткам Пясчанка[4].