wd wp Пошук: ⬜

Лоранд Этвеш

Лоранд (Роланд) фон Этвеш (венг.: Loránd Eötvös; 27 ліпеня 1848, Будапешт — 8 красавіка 1919) — венгерскі фізік.

Біяграфічныя звесткі

Вучыўся ў Будапешцкім і Гайдэльбергскім універсітэтах. 3 1871 у Будапешцкім універсітэце (з 1872 прафесар). Член Венгерскай АН (1883) і яе прэзідэнт (1899—1905). Заснавальнік і першы прэзідэнт (з 1891) Венгерскага матэматычнага і фізічнага таварыства.

Навуковая дзейнасць

Навуковыя працы па тэорыі капілярнасці, гравітацыі і геафізіды. Устанавіў залежнасць малекулярнай паверхневай энергіі ад тэмпературы (1886; закон Этвеша). Вынайшаў гравітацыйны варыёметр, эксперыментальна ўстанавіў роўнасць гравітацыйнай і інертнай мас (1890—1906). Вывучаў размеркаванне мас у горных хрыбтах.

Ушанаванне памяці

Яго імем названы Будапешцкі ўніверсітэт і пазасістэмная адзінка градыента сілы цяжару — этвеш.

Зноскі

1 2 MacTutor History of Mathematics archive Праверана 22 жніўня 2017.
1 2 Loránd Eötvös // SNAC — 2010. Праверана 9 кастрычніка 2017.
1 2 3 Матэматычная генеалогія — 1997.

Літаратура

Этвеш // БЭ ў 18 т. Т. 18. Кн. І. Мн., 2004.

Спасылкі

На Вікісховішчы ёсць медыяфайлы па тэме Лоранд Этвеш