Лонг-Бранч (англ.: Long Branch) — курортны горад на ўсходнім узбярэжжы ЗША, штат Нью-Джэрсі. Належыць акрузе Манмут. Насельніцтва — 31 тысяча чалавек (2010 год). Размешчаны на ўзбярэжжы Атлантычнага акіяна, у раёне, вядомым як Узбярэжжа Нью-Джэрсі, на поўдзень ад Нью-Ёрка, у зоне марскога клімату, з мяккай зімой (сярэдняя тэмпература студзеня каля 0 °C) і цёплым летам (сярэдняя тэмпература ліпеня каля 23 °C); гадавая норма ападкаў — каля 1000 мм.