Ло́зінскі нацыянальны польскі сельсавет — былая адміністрацыйна-тэрытарыяльная адзінка ў складзе Барысаўскага раёна БССР. Цэнтр — вёска Лозіна.
Утвораны 10 студзеня 1929 года ў складзе Барысаўскага раёна Менскай акругі БССР у складзе 15 населеных пунктаў (Буда, Елісееўка, Завіль, Лозіна, Кіцеўшчына, Мазаншчына, Мурашкі, Павушчына, Плоская, Рыбачная, Сакоўшчына, Святое, Устроны, Чыпа, Шаблішчына)[1]. Пасля скасавання акруговай сістэмы 26 ліпеня 1930 года ў Барысаўскім раёне БССР. 23 жніўня 1937 года скасаваны, тэрыторыя далучана да Забашавіцкага (Забашаўскага) сельсавета[2].