Ло́бчанка — рака ў Чэрыкаўскім раёне і на мяжы са Слаўгарадскім раёнам Магілёўскай вобласці Беларусі, правы прыток ракі Сож.
Даўжыня ракі 30 км (у межах Слаўгарадскага раёна — 2 км)[2]. Плошча вадазбору 122 км². Cярэдні нахіл воднай паверхні 1,2 м/км. Пачынаецца на заходняй ускраіне вёскі Дубраўка. Упадае ў Сож прыкладна за 2,2 км у напрамку на паўднёвы захад ад вёскі Бакаў. Рэчышча на працягу 5,8 км каналізаванае. Басейн ракі адносіцца да Верхне-Дняпроўскага гідралагічнага раёна[2]. Прытокі ракі — меліярацыйныя каналы.
Каля ракі населеныя пункты Лобча, Доўгае, Прыпёчына, Проліпень, Сакалоўка.