wd wp Пошук: ⬜

Леонскі сабор

Сабор Санта-Марыя-дэ-Леон (ісп.: Santa María de León) — каталіцкі кафедральны сабор у горадзе Леон (Кастылія і Леон).

Сучасны Леонскі сабор быў збудаваны ў 1205-1301 гг. у гатычным стылі. Раней на гэтым месцы у II стагоддзі былі размешчаны рымскія тэрмы, а напачатку X стагоддзя кароль Галісіі і Леона Ардонья II пабудаваў палац. Пасля адной з перамог над маўрамі ён пабудаваў сабор у раманскім стылі, у якім і быў пахаваны. Пазней на гэтым месцы быў пабудаваны другі сабор, таксама ў раманскім стылі, які быў асвячоны ў 1073 годзе, і дзе ў 1135 годзе Альфонса VII быў каранаваны Імператарам усёй Іспаніі.

Сёння сабор з’яўляецца адной з вядомых цэркваў поўначы краіны і яскравым прыкладам іспанскай гатычнай архітэктуры. Вітражы XIII-XIV стст. маюць плошчу каля 1800 кв. м. Унутры сабора размешчана мноства старых скульптур. Знадворку будынак ўпрыгожваюць шматлікія ацалелыя гаргуллі, грыфоны і хімеры.[4] Фасад сабора мае дзве вежы, адна з іх, паўднёвая, гадзіннікавая. Сабор мае некаторыя элементы барока і неакласіцызму, унесеныя ў XVI-XVIII стст.

Пабудаваны больш за 700 гадоў будынак выяўляе прыкметы разбурэння, з прычыны таго, што пясчанік адносна нетрывалы матэрыял.[5] Сёння вучоныя з універсітэта Аўеда займаюцца вывучэннем стану сабора.

Зноскі

↑ Wiki Loves Monuments monuments database — 2017.
↑ archINFORM — 1994. Праверана 31 ліпеня 2018.
↑ (unspecified title) Праверана 7 сакавіка 2021.
↑ Леонскі сабор
↑ Кастылія і Леон. Леонскі сабор(недаступная спасылка)

Спасылкі

На Вікісховішчы ёсць медыяфайлы па тэме Леонскі сабор
Сайт Леонскага сабора