У Вікіпедыі ёсць артыкулы пра іншых асоб з прозвішчам Пузырэўскі. Леанід Сяргеевіч Пузырэўскі (нар. 7 студзеня 1938, Гарадок) — беларускі вучоны, доктар эканамічных навук (1978), прафесар (1981).
Скончыў Ленінградскі інстытут інжынераў чыгуначнага транспарту (1960). Працаваў канструктарам, тэхнолагам, старшым майстрам цеплавозабудаўнічага завода, узначальваў лабараторыю Кіраўскага завода ў Ленінградзе, выкладчык, загадчык кафедры, дэкан факультэта Ленінградскага фінансава-эканамічнага інстытута. У 1987—1993 гадах — рэктар Далёкаўсходняга інстытута савецкага гандлю.
З 1994 года ў Санкт-Пецярбургу: працаваў у палітэхнічным, архітэктурна-будаўнічым інстытутах, гуманітарным універсітэце прафсаюзаў.
Аўтар шэрага навуковых прац.