wd wp Пошук: ⬜

Леанід Сцяпанавіч Вялічка

У Вікіпедыі ёсць артыкулы пра іншых асоб з прозвішчам Вялічка (значэнні).

Леанід Сцяпанавіч Вялічка (нар. 1925, Старобін) — беларускі ўрач, спецыяліст у галіне артапедычнай стаматалогіі. Доктар медыцынскіх навук (1980), прафесар (1981). Лаўрэат Дзяржаўнай прэмii БССР (1986)[2], ганаровы доктар БДМУ, ганаровы грамадзянін Старобіна. Інвалід Вялікай Айчыннай вайны.

Біяграфія

У 1948 годзе скончыў зубатэхнічнае аддзяленне Мінскай зубалячэбнай школы. З 1948 па 1953 гады зубны тэхнік Старобінскай бальніцы. У 1958 годзе скончыў стаматалагічны факультэт Кіеўскага дзяржаўнага медыцынскага інстытута. З 1958 па 1960 гады выкладчык Мінскага медыцынскага вучылішча № 3 [3].

З 1960 па 1963 гады навучаўся ў мэтавай аспірантуры на кафедры артапедычнай стаматалогіі Маскоўскага медыцынскага стаматалагічнага інстытута. З 1963 года асістэнт кафедры стаматалогіі Мінскага дзяржаўнага медыцынскага інстытута[3].

З 1967 па 1993 гады загадчык кафедры артапедычнай стаматалогіі МДМІ[3].

Прафесар кафедры артапедычнай стаматалогіі з 1993 года і па цяперашні час[3].

Узнагароды

Лаўрэат Дзяржаўнай прэміі БССР (1986) за распрацоўку і стварэнне новых тэхналагічных працэсаў і абсталявання для нанясення тонкаплёначных пакрыццяў метадам іонна-прамянёвай апрацоўкі і іх шырокае ўкараненне ў народную гаспадарку[3].

Значок «Выдатнік аховы здароўя»
Значок «Вынаходнік СССР»
Ганаровая грамата Кабінета Міністраў Рэспублікі Беларусь
Ордэн Айчыннай вайны і 15 медалёў.

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.

Спасылкі

Величко Леонид Степанович (руск.)
Леанід Сцяпанавіч Вялічка на сайце анлайн-энцыклапедыі «Беларусь у асобах і падзеях»