Леанід Міхайлавіч Сапегін (26 лістапада 1935, Гомель — 7 мая 2014) — беларускі батанік. Доктар біялагічных навук (1987), прафесар (1990).
Скончыў Гомельскі дзяржаўны педагагічны інстытут імя В. П. Чкалава (1959; аспірантура, 1964), Гомельскі дзяржаўны ўніверсітэт (дактарантура, 1985).
Працаваў у Гомельскім дзяржаўным ўніверсітэце імя Ф. Скарыны (з 1964, біялагічны факультэт, кафедра батанікі і фізіялогіі раслін, прафесар, у 1986—1996 — загадчык кафедры, у 1978—1982 — дэкан факультэта).
Навуковыя інтарэсы: сінтаксанамія, склад, структура і прадукцыйнасць лугавой расліннасці Беларускага Палесся; экалагічная стратэгія рацыянальнага выкарыстання, паляпшэння і аховы лугавой расліннасці.