Кіёсі Іта (яп.: 伊藤 清; 7 верасня 1915, Хакусэй (Інабэ), Японія — 10 лістапада 2008, Кіёта, Японія) — японскі матэматык, вядомы працамі па стахастычным аналізе, тэорыі стахастычнага інтэгравання і стахастычным дыферэнцыяльным ураўненням.
Іта — аўтар стахастычнага аналізу, які дазваляе даследаваць траекторыі выпадковых працэсаў (стахастычны падлік Іта). Ім была распрацавана тэорыя стахастычнага інтэгравання і новая канцэпцыя інтэграла (інтэграл Іта). Найбольш вядомы яго вынік — формула Іта. Яго тэорыя шырока прымяняецца, напрыклад, у біялогіі, фізіцы, тэорыі кіравання і фінансавай матэматыцы.