wd wp Пошук:
    ⬜

    Кішынёўскае маршрутнае таксі

    Кішынёўскае маршрутнае таксі

    Кішынёўскае маршрутнае таксі — сістэма гарадскога грамадскага транспарта Кішынёва, якая ахапляе ўсе гарадскія раёны і злучае горад з блізкімі прыгарадамі і гарадскім аэрапортам.

    Гісторыя

    Савецкі час

    У 1968 годзе ў Кішынёве быў уведзены новы від гарадскога грамадскага транспарта — маршрутнае таксі. Адкрылася першая лінія, што звязала цэнтр горада з раёнам Скінааса (Тэлецэнтр). У якасці рухомага састава выкарыстоўваліся мікрааўтобусы РАФ-977[1].

    У 1972 годзе ў горадзе курсірвалі 6 маршрутаў маршрутнага таксі, што злучалі розныя раёны горада.

    Маршрутныя таксі спыняліся па патрабаванні пасажыраў на аўтобусных прыпынках, якія сустракаліся па шляху маршрутных таксі[2]. У 1980-я гады колькасць маршрутаў узрасла да 17 (1982 год), у 1984 годзе быў дададзены маршрут № 18. Маршруты пачыналіся ад Балгарскай вуліцы[1], ад таго месца, дзе ў 1970 годзе была пабудавана цэнтральная дыспетчарская таксаматорнага парка (на скрыжаванні вуліц Балгарскай і 31 жніўня 1989)[3]. На лініях працавалі 11-мясцовыя мікрааўтобусы РАФ-2203 «Латвія». Агульная працягласць усіх маршрутаў маршрутнага таксі ў 1980-х гадах складала 273,5 кіламетраў[1].

    У незалежнай Малдове

    Пасля ўсталявання незалежнасці Рэспублікі Малдова маршрутнае таксі атрымала сур’ёзнае развіццё. Канчатковы прыпынак на Балгарскай вуліцы быў ліквідаваны. На зноў адкрываныя лініі, галоўным чынам, дублюючыя гарадскія тралейбусныя і аўтобусныя маршруты, выходзілі як мікрааўтобусы Раф, поўнапамерныя аўтобусы, так і аўтамабілі, не прызначаныя для перавозак пасажыраў (у прыватнасці, катафалкі). Маршрутнае таксі горада атрымала жартаўлівую мянушку «Хадзячы катафалк»[4].

    Зноскі

    1. 1 2 3 Кишинёв. Энциклопедия (Кишинёв, Главная редакция Молдавской Советской Энциклопедии, 1984)
    2. ↑ Справочник «Кишинёв», издание 1972 года
    3. ↑ Газета «Вечерний Кишинев», номер за 9 октября 1970 года
    4. ↑ В Молдове обнаружен опасный вирус маразма! // Сайт «Новости политических партий России и стран СНГ»

    Спасылкі

    Тэмы гэтай старонкі (1):
    Катэгорыя·Транспарт Кішынёва