Кітайскі ўніверсітэт Ганконга (кіт.: 香港中文大學, англ.: The Chinese University of Hong Kong, CUHK) — дзяржаўны ўніверсітэт у Ганконгу. Адзін з найстарэйшых універсітэтаў Ганконга, другі па часе заснавання пасля Ганконгскага ўніверсітэта. Заснаваны ў 1963 годзе. Выкладанне ва ўніверсітэце ажыццяўляецца на кітайскай і англійскай мовах. Згодна з QS рэйтынгам найлепшых універсітэтаў свету, у 2016 годзе ўніверсітэт займае 44-ю пазіцыю ў свеце і 3-ю — у Ганконгу.