Кіселяве́цкі сельсавет — адміністрацыйна-тэрытарыяльная адзінка ў складзе Кобрынскага раёна Брэсцкай вобласці. Цэнтр — аграгарадок (да 2008 г. вёска) Кісялёўцы.
Утвораны 12 кастрычніка 1940 года ў складзе Кобрынскага раёна Брэсцкай вобласці БССР. 30 кастрычніка 1959 года да сельсавета далучана тэрыторыя скасаванага Хабовіцкага сельсавета[1]. У 1973 годзе ў склад Дзівінскага сельсавета перададзены вёскі Руховічы і Хабовічы[2].
Насельніцтва сельсавета паводле перапісу 2009 года — 2714 чалавек[3], з іх 90,6 % — беларусы, 4,5 % — украінцы, 3,5 % — рускія[4].