Кіраваград (руск.: Кировград) — горад (з 1932) у Свярдлоўскай вобласці Расіі. Насельніцтва 22,7 тыс. чал. (2005). Заснаваны ў 1661 годзе. Вытворчасць поліметалаў, цвердых сплаваў.
Паселішча Калатай (ад цюрк. Кала-ата «бацькава паселішча») на месцы будучага горада было заснавана ў 1661 годзе (па іншых дадзеных ў 1663 ці 1675). У пачатку XVIII стагоддзя ў раёне горада былі адкрыты і пачалі распрацоўвацца радовішчы меднага калчадана. У сярэдзіне XIX стагоддзя непадалёк (у раёне Шыгірскага возера) былі знойдзены радовішчы золата, размешчаныя пад пластом торфу. Пры здабычы торфу быў знойдзены Шыгірскі ідал.
У 1910—1912 гадах пабудаваны Калацінскі медзеплавільны завод, вакол якога вырас аднайменны пасёлак. У 1917 годзе завод спыніў вытворчасць, моцна пацярпеў у гады Грамадзянскай вайны; у 1922 годзе адноўлены, з’яўляўся найбуйнейшым прадпрыемствам меднай прамысловасці Расіі.
З 1932 года рабочы пасёлак і навакольныя паселішчы ператвораныя ў горад Калата, а ў снежні 1935 года горад быў перайменаваны ў «Кіраўград» у гонар Сяргея Міронавіча Кірава.