У Вікіпедыі ёсць артыкулы пра іншых асоб з прозвішчам Армстранг.
Крысцін Армстранг (англ.: Kristin Armstrong; нар. 11 жніўня 1973 г.) — амерыканская велагоншчыца, трохразовая алімпійская чэмпіёнка ў паасобнай шашэйнай гонцы (2008, 2012, 2016).
Армстронг нарадзілася ў Мемфісе, штат Тэнесі. Дзяцінства правяла ў Тэнесі і ў Каліфорніі. Вучылася ў сярэдняй школе ў Хавелоке (штат Паўночная Караліна) і за мяжой у Акінаве (Японія), дзе скончыла сярэднюю школу ў 1991 годзе. Па заканчэнні школы паступіла ў Айдахскі ўніверсітэт, дзе яна гуляла ў камандзе «Айдахскія вандалы», а таксама была сябрам жаночага клуба Kappa Kappa Gamma. Армстранг атрымала ступень бакалаўра па спартыўнай фізіялогіі ў 1995 годзе. У цяперашні час жыве ў Бойсэ (штат Айдаха).