Крывасоскі[1] (Hippoboscidae Samouelle, 1819) — сямейства двукрылых насякомых. Распаўсюджаныя паўсюль (у Беларусі 6 відаў). Спецыялізаваныя крывасмактальныя паразіты цеплакроўных. Каля 200 відаў.
У палаваспелай фазе паразітуюць на птушках і млекакормячых. Самкі «жывародзячыя»: нараджаюць некалькі дарослых для акуклівання лічынак. Крывасоска птушыная (Crataerina pallida) паразітуе на стрыжы. У родзе Hippobosca на конях і мулах паразітуе крывасоска конская (Hippobosca equina), на карове — Hippobosca variegata, на вярблюдах — Hippobosca camelina, на сабаках — Hippobosca longipennis. Паразіты свойскіх жывёл моцна шкодзяць ім.
Маюць плоскае і шырокае цела (6-8 мм) з вельмі чэпкімі нагамі, прыстасаванымі да руху ў поўсці жывёл і пёрах птушак. Лётаюць дрэнна, многія не маюць крыл.