Крывавы сакавік (Kryvavy sakavik) — чацвёрты альбом гурта Чырвоным па Белым. Выдавец: Ambasada Music Group (кампанія: Ambasada Entertainment). Эксклюзіўны дыстрыб’ютар: VoliaMusic. Выдадзены ў 2007 годзе.
«Крывавы сакавік» — гэта 20 новых трэкаў, вынік гадавой працы гурта. Інструменталы рэп-кампазітара з Польшчы, з вялікай колькасцю скрэчаў — DJ Spox’a. Тэксты на розныя тэмы, ад удзельнікаў гурта — чатырох МС (Krou, Realize, Zeman, Jaycop). У запісах альбома прынялі ўдзел выканаўцы з розных краін: ТАРТАК (Украіна); Струч/UmBriaco (Расія); Duze Pe (Польшча). Паводле інфармацыі беларускай музычнай інтэрнэт-крамы Knihi.net альбом займае ў ёй 3 месца па продажах.