Ко́нскія шыро́ты — раёны Сусветнага акіяна паміж 30—35° пн. ш. і пд. ш., для якіх характэрны субтрапічныя акіянічныя антыцыклоны са слабымі вятрамі і частымі штылямі. У XVI—XIX стст. у часы паруснага мараплаўства штылі выклікалі працяглыя затрымкі судоў у дарозе і з-за недахопу прэснай вады прыпадала выкідваць за борт канёў, якіх везлі з Еўропы ў Новы Свет. Адсюль і адбылася назва — конскія шыроты.